الجمعة، 5 يونيو 2009

اللى اختشو ماتوا

كلنا استمعنا لخطاب باراك اوباما وكولنا فى مننا اللى شاف الخطاب انه مخيب للامل وانه لم ياتى بجدبد وانا لا يتعده كونه مجرد كلمات معسوله وفى مننا اللى شاف انه بدايه انفراجه جديده فى العلاقات مع امريكا وان ده عالم جديد احلى هيبتدى انا بقى اللى جه فى دماغى حاجه تانيه خالص سؤال عبيط شويه جه فى دماغى هو هل اجري الكشف الطبى على اوباما والطاقم المصاحب ليه لبيان هما مصابين بفيروس انفلونزا الخنازير ولا لا؟طيب بلاش نكشف على اوباما اه برده فى الاول والاخر رئيس والرويسا لا بيتعبوا ولا بيموتوا بس هلى اجرى الكشف على باقى الطاقم؟احنا لازم نفكر فى كده افرض حد منهم كان عنده الفيروس واتصابنا منه؟هتقولولى هما اكيد كاشفين هناك ومش معقول اوباما هيجيب معاه مرضى ماشى انا برده فكرت فى كده بس سؤال برده هل قدموا تقرير للحكومه هنا عن حاله الطاقم الصحيه؟ ولا احنا سيبنهم لضيمرهم؟طبعا فى ناس شيفه كلامى ده قمه فى قله الزوق والجليطه وبتقول ازاى رئيس اكبر دوله فى العالم جى يزورنا فى بيتنا وعمال يتغزل فى الدين الاسلامى اول ما يجى نكشف عليه وياسلا م لو طلع عنده الفيروس مش هنمشيه يعنى هقولكوا طيب يا جماعه ما قبل كده واحد من حرس اوباما اتصاب بالفيروس اهه وبعدين الحق ميزعلش والاتكيت والزوق مش هينفعونا فى حاجه لو كان حد منهم مصاب ونقلنا الفيرس طيب حكومتنا ورجال الدوله مخفوش وهما معاهم ابطال والله ولا يمكن يكون فى تطعيم بيطلع للناس الكبيره بس هههههههه لا اكيد بهزر عموما انا مش عارف هو الوضع ايه بصراحه جايز يكون تم الكشف عليهم .....وجايز يكون قدموا تقرير عن حالتهم قبل ما يوصلوا مصرجايز جدا يكون كلامى ده شويه عبط وملوش اى لزمه بس اعزرونى هى دى دماغى سعات بتتصدر فى حجات عبيطه كدهسلامWWW.al-hagar.blogspot.comمدونه صفحات من كتاب الموتى

اللى اختشو ماتوا

كلنا استمعنا لخطاب باراك اوباما وكولنا فى مننا اللى شاف الخطاب انه مخيب للامل وانه لم ياتى بجدبد وانا لا يتعده كونه مجرد كلمات معسوله وفى مننا اللى شاف انه بدايه انفراجه جديده فى العلاقات مع امريكا وان ده عالم جديد احلى هيبتدى انا بقى اللى جه فى دماغى حاجه تانيه خالص سؤال عبيط شويه جه فى دماغى هو هل اجري الكشف الطبى على اوباما والطاقم المصاحب ليه لبيان هما مصابين بفيروس انفلونزا الخنازير ولا لا؟طيب بلاش نكشف على اوباما اه برده فى الاول والاخر رئيس والرويسا لا بيتعبوا ولا بيموتوا بس هلى اجرى الكشف على باقى الطاقم؟احنا لازم نفكر فى كده افرض حد منهم كان عنده الفيروس واتصابنا منه؟هتقولولى هما اكيد كاشفين هناك ومش معقول اوباما هيجيب معاه مرضى ماشى انا برده فكرت فى كده بس سؤال برده هل قدموا تقرير للحكومه هنا عن حاله الطاقم الصحيه؟ ولا احنا سيبنهم لضيمرهم؟طبعا فى ناس شيفه كلامى ده قمه فى قله الزوق والجليطه وبتقول ازاى رئيس اكبر دوله فى العالم جى يزورنا فى بيتنا وعمال يتغزل فى الدين الاسلامى اول ما يجى نكشف عليه وياسلا م لو طلع عنده الفيروس مش هنمشيه يعنى هقولكوا طيب يا جماعه ما قبل كده واحد من حرس اوباما اتصاب بالفيروس اهه وبعدين الحق ميزعلش والاتكيت والزوق مش هينفعونا فى حاجه لو كان حد منهم مصاب ونقلنا الفيرس طيب حكومتنا ورجال الدوله مخفوش وهما معاهم ابطال والله ولا يمكن يكون فى تطعيم بيطلع للناس الكبيره بس هههههههه لا اكيد بهزر عموما انا مش عارف هو الوضع ايه بصراحه جايز يكون تم الكشف عليهم .....وجايز يكون قدموا تقرير عن حالتهم قبل ما يوصلوا مصرجايز جدا يكون كلامى ده شويه عبط وملوش اى لزمه بس اعزرونى هى دى دماغى سعات بتتصدر فى حجات عبيطه كدهسلامWWW.al-hagar.blogspot.comمدونه صفحات من كتاب الموتى

الجمعة، 1 مايو 2009

مع انفلونزا الخنازير فى مصر ...السؤال لغير الله مذله

بشره لاهالى مصر المحروسه دلوقت مش بس هنصاب ونموت بسرطان من القمح المسرطن ولا او من اكياس الدم الفاسده الموجوده فى المستشفيات بس ولا هنموت من انفلنزا الطيور فقط لا دلوقت كمان مكن نموت بانفلونزا الخنازير طبعا هتزعلوا منى وتقولوا ازاى دى بشره ؟اقولكوا ببساطه ان من الحكمه ان من لم يستطع ان يقاوم فعليه ان يستمتع واحنا كلنا شكلنا هنستمتع كتير الايام اللى جايهتعالوا قبل ما نفكر فى اى حل للمشكله نشوف مين فى بلدنا مسؤل عن الحل وعن اداره هذه الازمه نجد ان المسؤل عن اداره هذه الازمه وحل المشكله ثلاث
العظماء الثلاثه

وزارات هى وزاره البيئه ووزاره الصحه ووزراه الزراعه وحده وحده عليا بقى نرجع لعام 28 للقرار الجمهورى رقم 338 بخصوص نقل مزارع الخنازير خارج التجمعات السكانيه الى منطقه وادى الدباب شرق مدينة 15 مايو وازاى بتكاسل واستهتار جسيم بصحه وارواح المواطنين من تم التباطئ فى تنفيذ هذا القرار ولسه فاكر وزير البيئه يقولنا دلوقت اننا ننقل المزارع 15 مايو طيب كان ليه التباطئ والاستهتار من الاول وليه ننتظر حتى حدوث الكارثه ؟ ولا ده خلاص بقى سلو بلدنا لا بقى والجديد فى الموضوع لما تلاقى ان سكان 15 مايو بيستعدوا لاقامه دعوه قضائيه على وزير البيئه لان الاماكن المخصصه لتستقبل مزارع الخنازير تبعد عده كيلومترات قليله عن منازلهم بجد قمه الماساه قمه الماساه لان اللى بيحصل ده مسموش سياسه حل الازمه لا ده اسمه سياسه استعباط الخلق
سؤال وجيه

هو ليه مفيش رؤيه مستقبليه سليمه لدى الحكومه؟ سليمه ايه ده مفيش رؤيه خالص ومحدش يدايق من كلامى لان ببساطه من ينظر للامام ويخطط للمستقبل هو من يريد مستقبل افضل للبلد والحدق يفهم بقى

نيجى للطرف الثانى والثالث المعنين بحل المشكله هما مين ؟ هما وزارتى الزراعه والصحه
شويه تركيز بقى من هو وزير الزراعه ؟

هو السيد المهندس امين اباظه اللى فى عهده اكلنا قمح غير صالح للاستخدام الادمى واكلنا محاصيل مسرطنه والمواطن المصرى مبقاش قادر حتى ياكل فول لانه غلى وفى عهده انهارت زراعه القطن المصرى الشهير ومتهم باستيراد بذور قطن غير فاسده لمصر وما ستسببه من اخطار جسيمه عند اخطلاتها ببذور القطن المصرى وايضا متهم بشراء الشركه العربيه لحليج القطن اللى بتتكون من 15 محلج ومركز رئيسى بمبلغ 15 مليون جنيه يا سلاااااااام حاجه كده ببلاش وايه كمان تم استاجار اراضى لمده 2 عام لاقامه محالج عليها وبدا بالفعل فى بيع هذه الاراضى مما دفع النائب طلعت السادات الى طلب اقاله وزير الزراعه بتهمه اهدار المال العام وتسخير مال الشعب لخدمته
الطرف التالت
التالت بقى وزاره الصحه خد عندك بقى وهنا اقدر اقولكوا ان الصوره ابلغ من الكلام انزلوا شوفوا المستشفيات فى مصر شكلها ايه انزلوا شوفوا كام مصاب بيموت من الاهمال داخل هذه المستشفيات , شوفوا المعدلات الخرافيه اللى وصل ليها سعر كيس الدم فى مصر والله اعلم بقى اذا كان سليم ولا مضروب زى الباقى وطبعا لا ننسى النمازج الصارخه لاهدار المال العام فى المستشفيات اللى صدر قرارا انشائها من اكتر من عشرين سنه ويصرف لها اموال ولم تنتهى حتى الان وده حسب كلام دكتةر حمدى السيد نقيب الاطباءكده قدرت اوضح ولو قليل للقارئ ن هم المسؤلون عن حل هذه الازمه , نشوف بقى ايه هو الحل اصلا فى ضوء معطيتنا وحسب كلام دكتور هانى جوهر عميد كليه طب بيطرى جامعه القاهره ان فى مصر اكثر من 550 خنزير اكد اساتذه علم لحيوان ان الحل لتفادى هذه الازمه هو
1- عمل تحليل واخذ عينات من كل الخنازير واعدام المزارع الموبوئه
2-نقل المزارع لاماكن بعيده عن التجمعات السكنيه
3- الرقابه على الاطعمه المقدمه للحيوانات واللى فى مصر بتكون زباله من الاخر ومخلفات مستشفيات وبلاوى وده طبعا معروف من زمان على راى الحكمه المصريه اللى بتعبر عن السهوله اللى بتقول افتح مزبله وربى خنازير
4-طبعا توفير المصل المضاد للفيروس اللى اكد دكتور حاتم الجبلى وزير الصحه انه لن يتوفر قبل 6 اشهر ولا يقضى على الفيروس بنسبه00 1% ويصعب توفيره لاكثر من 5% من الشعب

فتح مخك
ده الحل ولكن فى ضوء ما ذكرناه عن من هم المعنين بالحل وايضا بما ان المسؤلين المصرين عقولهم مصابه بشلل وايديهم وارجلهم مصابه بكساح وفى ظل سياسة استعباط الخلق المتبعه من جانب الحكومه وايضا فى ظل المحصول الرئيسى فى مصر وهو الكوسه ما هو الله اعلم بقى تكون فى مزرعه مصابه بالفيروس صاحبها مسؤل ولا رجل اعمال صاحب ولا قريب مسؤل ايه هيحصل وطبعا مع الاخد فى الاعتبار كيفيه تعامل حكومتنا مع انفلونزا الطيور

الحل الواقعى
بعد اللى قولته فانا بطلب من السيد رئيس جمهوريه مصر العربيه اصدار قرار باعدام بدون محاكمه لكل الخنازير فى مصر وتعويض اصحابها باى ثمن لان مهما كان الثمن غالى فمش هيكون اغلى من صحه المواطنين واحب اقول للحكومه انتوا فعلا علمتونا ان السؤال لغير الله مذله كتر خيركوا واقول للشعب المصر كلمه فى النهايه عشان اطمان قلوبكوا ياجماعه المؤمن مصاب وبيت المؤمن بيخرب قبل بيت الفاسد ومش عارف لي عايز اقولكوا ابقوا قبلونى
سلام

الخميس، 8 يناير 2009

سر بقاء ابن الكلب

توحدت مطالب الشعوب العربيه فى الاونه الاخيره حول مطلبين فقط الاول هو فتح باب الجهاد , والثانى هو ما نستطيع وصفه باضعف الايمان وهو طرد السفراء الصهاينه من الدول العربيه.وبما ان القاده العرب بقممهم العربيه , ومؤتمراتهم العربيه ، زبياناتهم المكتوبه باللغه العربيه لاتثمن ولا تغنى من جوع فقررت ان ارجع عن فكره الكتابه باللغه العربيه وان اكتب باللهجه العاميه عشان يعنى انقصر كده واجيب من لاخر.....اولا بقى ومن الاخر يا رجاله من ناحيه اننا نحارب وبابا الجهاد والكلام ده كله فبقولها لكوا اهه مش هنحارب ولا مصر ولا اى دوله غيرها.هو اصلا كان فى حد بيحارب الا مصر ؟؟؟ ومصر الايام دى وخده اجازه مرضى اما بالنسبه للموضوع التانى بتاع طرد ابن الكلب ده من مصر وابقيت الدول هو اه كلنا بنطالب بطرده واه كل اللى على لسانا جمله وحده بنرددها كتير ( اذا كانا فنزويلا اللى لا هى عربيه ولا تعرفنا ولا تعرفهم طردت ابن الكلب من عندها احنا مخلينوا نعمل بيه ايه ) الكلام ده صح بس يا جماعه نتوا نسين حاجه مهمه فنزويلا دى فى اخر الدنيا ولا عايزه حاجه من مصر ولا اسرائل ولا فلسطين ولا فارقق معاها امريكا وخدينلى بالكوا من الكلمه الاخيره دى هقولها تانى .. ولا فارقه معاها امريكا فهمتوا انما احنا مثلا فى مصر امريكا تفرق معانا جدا مش مع اصدى الشعب المصرى على فكره احنا قبل كده كانوا بيهددوا بقطع المعونه عننا والله ولا فرق معانا رغم اننا اوضاعنا زفت بس عادى قولنا تنقطع احنا محدش بيلوى دراعنا , وبينى وبينكوا مصر دوله ليها دور كبير بين الطرفين فلو طردنا ابن الكلب هنفقد دورنا لخيادى ده ومش هينفع نبقى طرف فى اى تفاوض.بس ارجع واقولكوا تفاوض ايه وحياد ايه دى دوله عربيه شقيقه زينا وبعدين احنا كنا اخدنا ايه من التفاوض و الحياد
وبعدين هما دول عالم بتوع تفاوض؟ وازى ما انتوا شايفين نزلين ضرب لحد ما الشعب الفلسطينى قرب يخلص.وادى اسرائيل ولا هاممها حد ولسه فقعه فينا خازوق مغرى ووصلت للعالم كله اننا مطوطئين معاها وطبعا ولا نافعه وساطه معاها ولا غيره وهتعمل اللى فى دماغها وخلاص من الاخر مبقتش تخاف من حد واحنا اصلا مبقناش نخوف ولا لينا قيمه عند اى حدوزى ما قال السيد عمرو موسى ( من يهن يسهل الهوان عليه )عرفين بعد كل ده ومصر برضه ليه مش هطرد ابن الكلب ده ؟؟؟ اصل ببساطه كده لو طردناه هنعمل ايه بعد كده احنا لو طردناه يبقى بنحرج نفسنا اخر احراجانتوا عارفين الطرد ده معناه قطع العلاقات الدوبلوماسيه يعنى خلاص الود انتهى يعنى خلاص يلزم بعدها حركه جد حرب يعنى , امداد بالسلاح , او حتى تهديد بحرب وده مش هيحصل زى ما قلتلكوا قبل كده لا من من مصر ولا من غيرها , ومن الاخر احنا حتى لو مش هممنا ولاد الكلب بس هممنا امريكا وهقولها بصراحه احنا وكل العرب خايفين من امريكا جبن بقى وهوان بعيد عنكوا , وعلى فكره الكلام ده على كل الدول العربيه مش مصر بس الا حد يكوون مفكر بلده هى حاميه العروبه والكلام ده لا كله العن من بعضه وعلى راى المثل لاتعيرنى ولا اعيرك الهم طيلنى وطيلك
يعنى ابن الكلب مش هينطرد ونطرده زاى ؟؟ بزمتوا هيبقى منظرنا ايه لما نطرده ونسكت ومنعملش حاجه تانى هيبقى المنظر وحش اوى واحنا برضه زهقنا من حبوب التخدير دى .اقول لكوا حاجه بصراحه مش عارف ليه انا حاسس ان الوضع هيفضل كده لحد ما سرائيل تخلص الندر اللى عليها واننا هنفضل كده سورى يعنى مش رجاله وهتفضل ادينا فى .............
انا بس عايز اقول كلمه اخيره لكل الحكام العرب الحكايه دلوقت بقت زى خناقه اللى هيكسب فيها اللى قلبه جامد مش القوى واللى قلبه جامده هو اللى عنده كرامه ونخوه وكمان عايز اقول لكل الحكام العرب الحكايه بوخت اوى وبقى شكلكوا مشكوف اوى ووحش اوى اوى وخلاص مبقناش ناكل من الحجج والمبررات دى خلاص مبقاش فى عقل يقتنع بيها ومفيش اى مبرر على الصمت غير اننا اندال
سلااااااااااااااااام

انتخابات اتحاد الطلاب فى مصر

gكل ما اتفرج على فلم الخطايا بتاع عبد الحليم حافظ وناديه لطفى بزهق اوى من مشهد انتخابات اتحاد الطلاب اللى غنى فيها اغنيه الناجح يرفع ايده بحس ان ده كله فتى وان ده مش فلم مصر ابدا ده ينفع فلم امريكانى او حتى هندى انما مصرى لااللى بيخلينى اقول كده انى انا مثلا بقالى اهه 4 سنين فى الكليه ولسه قدامى 3 لو نجحت على طول يعنى واخويا اللى اكبر منى بسبع سنين عمرنا ما شفنا انتخابات اتحاد طلاب نزيهه او حتى مش نزيههه مفيش انتخابات اصلافى العالم كله لازم خمس حجات يبقواا موجودين فى كل انتخابات من اول انتخابات المحليات لحد انتخابات الرئاسهالخمس حجات هما
_ مرشحين لهم برنامج انتخابى من حقهم يعلنوا عنه
_ ناخبين يرشحوا المرشحين دول
_ صناديق تتحط فيها الاصوات
_ لجان انتخابيه تتحط فيها الصناديق
_ بعد الفرز النزيه للاصوات تعلن النتيجه

احنا بقى فى انتخابات اتحاد الكلاب فى اى كليه فى اى جامعه فى مصر مفيش ولا حاجه من دول ولا حتى بنبقى عرفين ان فى انتخابات الحاجه الوحديه اللى بنعرف بيها ان فى اختيار لاتحاد الطلاب هى عربات الامن المركزى اللى بتبقى موجوده قدام الباب وكأن مطاريد الجبل جوه فى الجامعه وبعدها بكام يوم بعد ما يختاروا الاتحاد ويطلعوا يقابلوا العميد ويوروه كرنيه الحزب يعلنوا ان فى انتخابات وبعدها بيوم نلاقى امين الاتحاد جى لابس بدله وخدها ببلاش من عند توكسيدوويطلع يقول بكل سذاجه الحمد لله كسبنا فى الانتخابات والطلبه بيحبونى قال يعنى بجد وانا مش عارف هو كده بيشتغلنا ولا بيشتغل نفسه ؟

المهم ده بقى معناه ايه لما نبقى طلبه فى الجامعه اللى هى المفروض المكان اللى بنبنى فيه شخصيتنا وبنحقق ذاتنا وبنبتدى فيه نعتمد على نفسنا يحصل فيه كده يعلمونا فيه ازاى نبقى سلبين ومهمشين وملناش دعوه باى حاجه بتحصل فى البلد ما هو اللى مش هيتعلم من صغره ازاى يعيش فى جو انتخابات نزيه واختيار حر لامين اتحاد كليته مش هيعرف يختار النائب بتاعه او حتى رئيسه وتلاقى ناس تقولك ده فى تزوير انتخابات مجلش شعب وزعلانين اوى مش عارف ليه انا مش هرد عليهم غير بحاجه وحده هى
لما الاول نعرف نختار امين اتحاد فى الكليه بارادتنا نبقى نحاول نختار نائب ولا رئيس جمهوريه
سلام

الأربعاء، 17 ديسمبر 2008

الحافيه بتتباها بجزمة اختها


العالم العربى كله باللى عمله الصحافى العراقى الشجاع منتظر الزيدى وفى يوم وليله بقى منتظر بطل قومى وحلم كل عربى برغم انه محققش اى مكاسب ملموسه للبلد لكن بطولته الحقيقيه تظهر فى انه قدر يعبر عن اللى جواه وجوانا كلنا من غير ما يخاف ولا يفكر فى المصير الاسود اللى مستنيه ده هيتظبط ربنا معاه ما هو مش هيلاحقى حد معاه غير ربنا ومش هو لوحده محنا كلنا ملناش الا ربنا ؟ وربنا يسترها بقى مع الجميع , فعلا ياجماعه منتظر هزق وزل الراجل اللى لامواخذه زلنا على مدار 8 سنين محدش يزعل منى اه كان زللنا الواده ده معلم حدف حدفه راحت لبوش فى مقتل موزه والله. وانا من رايى ان العالم كله لازم يتصنف من جديد , يعن هو حنا مش كنا بنصنف العالم قبل 11 سبتمبر و العالم بعد 11سبتمبر لازم بقى نصنف العالم من دلوقت للعالم قبل جزمة منتظر والعالم بعد جزمه منتظر , يا جماعه دى مش مبالغه بجد دى اهانه كبيره لبوش ولامريكا كلها شوفتوا منظر بوش وهو بيوطى خايف من الجزمه مرتين ووشه فى الارض اه بجد بوش حط وشه فى الارض والجزمه فوق دماغه وده بقى الفرق بينه وبين صدام اللى دخل على الموت وهو رافع راسه ولا همه الموت دى البطوله بجد دى الشجاعه بجد دى بقى الشجاعه اللى بيخلقها الاحساس انك معاك الحق
ادى منتظر وهو نازل بالجزمه على ودان بوش وبوش موطى زى الست اللى اتفكت جيبتها وخيفه من ال....
وادى صدام وهو بيموت الحبل حولين رقبته اسد والله اسد"


بلا خيبه
كل ده حلو كل ده عظيم , كل ده معبر عن حجات كتير منها اننا بنكره المحتل اى محتل , بس عارفين ده بيدل على ايه كمان ده بيدل على اننا بقينا ضعاف جدا ده عيب والله عيب لما نبقى بنتقتل ونتشرد وتغتصب نسائنا وتحتل ارضنا وتستنزف كل موردنا الطبيعيع والبشريه واحنا سكتين اوى وكل اللى بنعمله اننا فرحانين اوى بان بوش حدفناه بالجزمه ينهار اسود ايه الخيابه دى ايه الضعف ده مش مكسوفين ؟ طيب لو انا رئيس دوله وجيت اعلق على الحدث ده اقول ايه اقول ايه لشعبى اقول الحمد لله قدرنا نحدف جزمه ولا اقول ايه تفتكروا علشان كده مفيش اى رئيس دوله عربيه اتكلم ؟ طيب بلاش ابقى رئيس لو انا اب اقول ايه لولادى وللاجيال الجايه اربيهم على ايه بدل ما اقولهم اطلعوا رجاله زى جدودكوا اروح اقولهم ايه اللى يحتلكوا احدفوه بالجزم , الفرحه الكبيره اللى ملت العالم العربى دى لو دلت على شئ فهى بدل على اننا بقينا حافين وبنتباها بجزمه منتظر . ومحدش بقى يزعل من كلامى احنا فعلا بقينا حافين ومكسحين كمان والكومات العربيه هى اللى عملت فينا كده واللى يكسف اكتر اننا فعلا اقويا وبادينا نعمل حجات كتير وهننا بقى انا عايز اسال سؤال مهم


سؤال مهم


بدل احنا فى امكانيات كتير فى ادينا ليه مش بنتحرك كلنا عارفين طبعا لسباب كتير الخوف على المناصب ومصالح شخصيه ولا هو مش مزعلنا اللى بيحصل فينا عموما سواء كانت الاجابه كده او كده اوكده فكله العن من بعضه , كل دوله وكل رئيس بيول يلا نفسى ومبيفتكرش الوحده العربيه والبطوله والشرف الا لما يتزنق وملوش اى مخرج خلاص يتكلم باسم الاسلام والوطن العربى والشعب ما هو خلاص مفيش غير كده واحنا طيبين وى بنصدق ونعد نقول البطل والشهيد ومش عارف ايه زى بالظبط اللى اتعمل مع صدام وزى اللى اتقال على عمر البشير اول ما اوكامبو قال هاتوه فجاه بقى بطل حتى اللى ميعرفش عنه حاجه قال بطل يا جماعه من الاخر احنا بنطلع خفنا وزهقنا من حكومتنا فى الغرب وامريكا وده طبعا مينفيش اننا بجد بنكره الظلم وبنكره المحتل .


كفايه لحد كده


بس خلاص بقى كفايه لحد كده كفايه نعد نضحك على نفسنا احنا كبار ولازم نتصرف تصرفات كبار ولا حدف جزم ولا الكلام الفاضى ده او حتى ندافع عن بلدنا لاول ونبنيها صح ونرد اى معتدى علينا وبعد كده نبقى نحدف بالجزم والاساتك ونلسوع باللبان والكلام ده كله منتظر بجد بطل بس مش بطل علشان حدف جزمه وانه احسن واحد بيحف جزم لا دى حتى مجتش فيه تحس انه مش واخد على الحدف لو كنا جبنا واحد من بتوع فلسطين على النعمه كان رشقها فى دماغه ولا ابو تريكه , انما منتظر بطل لانه عمل اللى عيزه ودافع عن وطنه بالمتاح فى ايده من غير ما يخاف او يحسبها هيكون مصيره ايه وانه ممكن يموت او يعيش طول حياته يتمنى الموت , واحنا لو كلنا دفعنا عن وطنا هنقدر نخلى اى محتل يفكر مليون مره ابل ما يزعلنا حتى بكلمه . لو كل واحد عمل اللى يقدر عليه هنعمل كتيروالله ومن غير ما نخاف ومنفكرش بقى فى العواقب ما هى كده بيظه وكده بيظه يا نعيش بشرف يا نموت بشرف ونشيل بقى الزل والاستسلام ده من قاموس حياتنا . انا مش بقول ان كل وحد فينا يشيل سلاح ويعمل اى عمل غبى جنونى يضر اكتر ما يفيد انا كلامى ده قبل ما يكون وجه للشعوب فهو موجه للرؤساء احنا شعب واحد , قضيتنا وحده وكرامتنا وحده طيب ليه بتفصلونا عنكوا ؟ ليه تفكركوا مفيهوش رغبتنا ؟ ليه مش قادرين تفهموا اننا عايزين نعيش بشرف حتى لو دخلنا حروب وفرض علينا حصار حتى لو متنا هنموت كبار وهنحبكوا اكتر ومش هنقول انكم ودتونا فى دهيه اومال اللى احنا فيه دلوقت ده يبقى ايه؟ خلونا وراكوا واحنا رجالتكوا ورجاله الوطن بدل ما يجى يوم نلعن فيه اليوم اللى اتولدنا فيه واللى بقينا فيه تحت حكمكم , ايه المتعه اننا نعيش ضعاف واحنا فى ادينا نبقى اقويا ايه المتعه فى اننا نعيش مزلولين بعد فتره هنبقى مسخ مجرد اجساد مسلوبين الاراده بتعيش علشان تاكل وتشرب وتتكاثر وخلاص او هنبقى مرضى نفسين او مجرمين وارهابين


ياعالم


ولو فضلنا على الحال د يا عالم بقى الجزمه دى المره الجايه هتكون فى وش مين ؟ !!! يلا ورونا انكوا ابطال حقيقين وادينا معاكو بدل ما تبقى ادينا فى يوم فى .......وتقفوا مان صدام بس وقتها مش هتبقوا ابطال ولا هنحبكوا ولا هنحترمكوا, لان حتى ربنا الغفور مبيقبلش التوبه عند الغرغره ..عارفين ايه هى الغرغره اصلا ؟


ارجوكوا ارجوكوا ارفعوا رسنا بدل ما انتوا مكسحنا وبتتباهوا بجزمه منتظر

الجمعة، 18 يوليو 2008

حرب تحرير دسوق

نجحت قولتنا ألمصريه بالسيطرة على مدينه دسوق ورفع علم الحزب الوطني على جميع لجانها الانتخابية

هنا دسوووق...!!!!!!!!!!!!!!!!!!!!!!

ده اللي اقدر أوصف بيه اللي شرفناه في دسوق ولمده أسبوع قبل الموعد المقرر لاعاده الانتخابات البرلمانية في دائرة دسوق يوم الاتنين
13/ 7/ 2008 عشرات العشرات من عربات الامن المركزى يتقدمها المدرعات واخدلى بالك انت مدرعات يانهار اسود وامن مركزى بالهبل كتير جدا امال مين اللى على الجبهه ؟ على راى الزعيم عادل امام
ده فى اهنى بلد الكلام ده بيحصل ليه يعنى هو مرشح تنظيم القاعده داخل ولا ايه ولا طالبان فتحت فرع فى البلد ولا حكومتنا قررت تتبع اسلوب امريك
ا فى مكافحه الارهاب

الامن المصرى فى الشوارع خوفا من مرشح تنظيف القاعده المصرى

المهم بعد تلت سنين قعدت فيهم دسوق من غير نائب اخيرا رضوا عن البلد دى وقرروا يعيدوا اللعبه بس بقوانين جديده


قوانين اللعبه الجديده

القانون الاول : مفيش اشراف قضائى اذا كان بيبقى فى تزوير وفى اشراف امال لما يلغوه ايه اللى هيحصل ؟ على النعمه ده احتمال بعد كده ندخل اللجنه نلاقيهم لغوا التصويت بالبطاقه الانتخابيه او حتى البطاقه الشخصيه بتاعه مصر ويقولوا التصويت بكارنيه الحزب الوطنى بس مرشح الاخوان حاول يعمل مسيره الامن حسره وهاتك يا ضرب وجرى وطعفشه فى الناس وخدين بالكوا من كلمه طعفشه دى هى غريبه شويه بس والله كلمه موحيه جدا باللى حصل
وطبعا عارفين ليه عملوا كده خلاص بقى مش عايزين حاجه توجع دماغهم ولا شويه مستشارين يتكلموا زى الدوره الفاتت ولا بتاع خلاص بقى وكان الحكومه بتقولنا ابنى يبقى على كتفى وادور عليه

القانون التانى : ده بقى قانون بدعه مشكله من مشاكل الزمن ميجيش على دماغ ابليس ذات نفسه حاجه جديده مسمعناش عنها قبل كده
قال ايه مفيش حملات انتخابيه للمرشحين واى اعلانات تكون فى سريه تامه واللى يخالف الكلام ده هيرد عليه بحزم وشده
يعنى سوكوتم بوكوتم كل مرشح يمسك كل ناخب كده على جمب فى الخباسه بصوت واطى ويوشوشه ويكفى على الخبر مجور شوف والنبى ده كلام ده

المزهقنى ان كل ده بقى عينى عينك كده ومحدش يقدر يتكلم خلاص مبقاش حتى فى احترام لعقلتا ولا بقى فى اى شك اننا نقدر نعمل حاجه خلاص دبحولنا القطه وهيعدوا كده يدبحوها لاى واحد يفكر انه يتهبل ويعمل حاجه .

سر المكالمه إللى دارت بين مرشح الاخوان وظابط المباحث

ظابط المباحث قال : مفيش مسيرات والاعلانات تكون سريه

مرشح الاخوان رد : ليه هى كانت انتخبات اتحاد طلاب

ظابط المباحث قال : والله انا جايلى تعليمات بكده واللى يخالف الكلام ده جايلى تعليمات انى استعمل معاه القوه

مرشح الإخوان قال : طيب لو حبيت انسحب

ظابط المباحث رد : براحتك بس متطلعش اى بيانات ولو طلعت اللى هنشوفه بيوزع اى بيان هيتاخد

وعلى فكره هتشرف عندنا شويه بعد الانتخابات

وهنا انتهت المكالمه اللى الله اعلم صح ولا خطا بس الكلام ده عرفته من ابن المرشح وعلى مسؤليته

الوضع

الناخب اولا بما ان الانتخابات سريه مش هيعرف معاد الانتخابات ومحدش يطلع يصوت ويبقوا كده منهم فى بعضيهم زيتهم فى دقيقهم على راى المثل واللى هيعرف المعاد ويجى يطلع لما يشوف شكل عربيات الامن المركزى هيعد ويرجع تانى واللى مش هيخاف ويروح برده اللجنه مش هيلاقى اصلا لجنه وهو ده بقى الفكر الجديد او مش هيعرف يدخل وهو ده اللى حصل اللجان اللى مش على مزاجهم تتقفل وده حصل ولجان اتقفلت الساعه 9 الصبح فتحت سعتين وقفلت و وفى لجان منع الناس من الدخول فيها وفى بعض اللجان الساعه 8 الصبح بعد ما فتحت بساعه الصناديق اتملت مع ان محدش طلع من البلد اصلا وده مش كلامى انا واهل الدايره بس ده كلام مرشح الاخوان نفسه لوكاله رويترز الى قالت الكلام ده فى تقريرها والى احلى من كده انهم صادروا عربيات نص نقل كتير علشان باين كده يشيلوا عليها الصناديق وبعضها كان بيبقى عليها كام وحش كده محدش عارف ده شرطه ولا بلطجى دايرين فى البلد الى ليشكوا فيه معرفش بق يشكوا فيه انه ايه بالظبط بس المهم اللى ميعجبهمش وخلاص ينزلوا يروقوه ويطلعوا وطبعا العربيات دى بتاعه ناس غلابه شغالين عليها خدوها منهم عافيه ببلاش او باجور رمزيه كالعاده ومش هاممهم البيوت المقفوله والا الشغل الواقف ولا الناس الغلابه دى تاكل منين والناس بقى تبقى تروح تستلم عربياتها بعد ما التمسليه تخلص

شايفين يا رجاله الانتخابات فى بلدنا بقت خراب الخراب وطبعا فاز فى الاخر الاتنين مرشحين الوطنى الفئات والعمال والفلاحين

طارق ابراهيم سليم
43607
احمد عبدة عليبة
42199
رجب البنا
860

دى مثلا جزئ من نتايج الانتخابات الاولانى ده اللوا طارق مرشح الحزب الوطنى فئات الكان اعاده ابل كده مع الاخير مرشح الاخوان فئات وسبحان الله بعد التزوير وكله فى دوره 2005كان مرشح الوطنى حاصل على 21 الف صوت دلوقت بقدره قادر مكملش الف صوت والله حكم واللى فى النص ده مرشح الوطنى عمال وفلاحين كان ساقط من اول جوله فى دوره 2005 وااه ربنا كرمه المره دى ونجح لانه عرف فى الفتره دى يبقى مرشح الوطنى ايه رايكوا بقى

طيب هو انا عايز اعرف هو النائب عن الديره دى لو كان اى مرشح مستقل او حتى اخوانى او اى حزب تانى غير الوطنى ده دليل ان الناس كرهت الوطنى وده هيضر الحزب او ده اللى هيخلى الاخوان اغلبيه يعنى ؟ لا طبعا طيب ايه لزمتها بقى نعمل حركات نص كم زى دى ملهاش اى لزمه والمجلس كده كده خلص الدوره دى حركه زى دى هتخلى المش كاره الحزب الوطنى يكرهه واللى مش كاره الحكومه يكرهها يجماعه هو انتوا حتى مبقاش عندكوا وقت تضحكوا علينا وتسبكوها كويس ياعم اجرحنى لكن براحه على راى سعيد ( واحد صاحبى عادى يعنى)


سؤال لولبى

بعد كل اللى حصل ده عارفين فين المشكله ؟ المشكله فى اجابه السؤال ده وده بقى سؤال لولبى بجد

السؤال بيقول : لو اى حد فينا عايز يرشح نفسه لمجلس الشعب وهو مش حزب وطنى و نفسه يخدم الناس بعد الشافه ده هيخوض الانتخابات ؟
هل هيبقى عنده ثقه انه هينجح وهو مش تبع الحزب ؟
طيب لو انتى مواطن عادى مش هتخاف انك تطلع تصوت فى فى الانتخابات يحصلك اى حاجه طيب بلاش تخاف على نفسك مش هتخاف على ولادك ومراتك حد يعتقلهم ولا يضربهم ولا يغتصبهم بجد ده بيحصل انا كلامى ممكن تحس انه مبالغ فيه بس لا دى مش مبالغه الكلام اه بسيط بس مش سطحى يا جماعه بجد انا سمعت كتير بيقولوا واحنا مالنا احنا احنا مش اد اللى هيحصلنا ودول اذا اخوان ولا حزب وطنى ولا غيروا مش هناخد منهم حاجه وهنتاخد ومحدش هيسال علينا
وبصراحه كلامهم صح دول لما بيعتقلوا حد من المعارضين دول وبزات الاخوان والله ما بيحصلهم حاجه احسن اكل واحسن شرب وحياه اخر دلع جوه هو اه سجن بس يومين وبيعدوا ,وبتوع الوطنى ملوك محدش بيدوس لهم على طرف , انما المواطن العادى على النعمه لو اتمسك ممكن يغتصبوه
تخيلوا كده انا اطلع امارس حقى الطبيعى فى التصويت واختيار النائب بتاعى ارجع لابويا وابنى على كتفى يبقى ليا اسمين محمود الحجار وحاتم رشيد ينهار اسود طيب اقول لابويا ايه اقوله انت السبب اللى سبتنى اخرج كده ومعرفتنيش اللى فيها انت اللى سبت ادريس يلعب معايا لا يا عم كده بلاش منها احسن

اجابه السؤال اللولبى

كل الفات ده يوصلنا لاجابه واحده هى لا بمعنى ان الناس معندهاش ثقه فى نزاهه الانتخابات واللى هينجح هو مرشح الوطنى مهما حصل وده وده معناه ان الحياه النيابيه فى مصر والمشاركه من جانب الشعب خلاص بالسلامه مفيش والامل عندهم هيموت وى ما انتوا عرفين مفيش امل يبقى مفيش اراده لاى حاجه يبقى مفيش اى تقدم مفيش اى اى حاجه غير حياه زى حياه الجاهليه احنا داخلين عليها وده بالفعل اللى حصل فى دايره دسوق مرشح بتاع الاخوان متفهموش كلامى غلط لما بتكلم كتير على الاخوان انى اخوانى ولا حاجه بس هما دول اكبر معارضه فى مصر وكمان اصلا بقيت المرشحين كانوا برضوا حزب وطنى والحزب مجبهومش يعنى برضوا لما ينجحوا مثلا يعنى هيبقوا وطنى ودول متعتبرهمش معارضه
المهم مرشح الاخوان هو بيمر على اللجان الساعه 8 الصبح يعنى بعد ما اتفتحت بساعه لقى الصناديق مليانه طيب ازاى؟
وكمان التوكيلات اللى المفروض بيديها المرشح لنائب عنه فى كل لجنه اتلعب فيها وكانت توكيلات الاخوان يا بتتقطع يا بتبقى مضروبه بمعنى ان التوكيل مع مرشح الوطنى واى مرشح تانى عامل نفسه مش وطنى بيبقى فيه تحت ختم وتوقيع المامور انما توكيلات الاخوان ختم بس يجوا يدخلوا بيها اللجان يترفضوا

ده التوكيل الخاص بمرشح الاخوان .... وده اترفض....ليه ؟

وده التوكيل الخاص بمرشح الحزب الوطنى اللى طبعا اتقبل ودخل حامله اللجنه ليه؟

سبب الرفض

اقولك انا ليه شايفين التوكيلين كويس ما علينا من البيانات المكتوبه فيه هو اه انا شطبها علشان اصحابها طلبوا منى كده بس انا اقصد بالتحديد بص على تحت امضه مامور المركز هتلاقيها موجوده عند مرشح الوطنى ومش هى العند مرشح الاخوان حاجه تانيه مش امضة المامور وكانوا بقى بتلككوا فى الحته دى وطبعا مفيش مامور بقى هيمضيلك تانى يرحوله يقولهم لا وتلاقى الف سبب والف حجه تانيه يعنى اختلفت الاسباب والرفض واحد



ده بقى الامر اللى جعل مرشح الاخوان يجمع رجالته ويطلع علىمسجد سيدى ابراهيم الدسوقى فى الميدان امامه ويعلن انسحابه من الانتخابات هو طبعا مش انت انسحاب رسمى بس اهى حركه يوصل فيها انه خلاص فقد الامل فى انتخابات نزيهه



دى صوره مرشح الاخوان وهو بيعلن انسحابه اعتراضا على عدم نزاهه الانتخابات

هو فيه ايه ؟

هو احنا ليه بقينا كده احنا بقى ملناش قيمه ولا اعتبار وبقى الظلم والتذوير عينى عينك ومحدش حتى بيخبى علينا وبيحاول يظهر بمظهر كويس ادامنا خلاص بقوا مشين بمقوله اخبط دماغك فى الحيط واعلى ما فى خيلك اركبه احنا خلاص مبقاش عندنا ثقه فى الحكومه ولا حتى المعارضه الحكومه كمان مبقاش عندها ثقه فينا اننا لسه عندنا كرامه او نخوه او ممكن نعمل حاجه وكله بيقول يلا نفسى وعلشان كده من الاخر هما خلاص ركبونا ودلدلو رجلهم ايوه محدش يزعل من الكلمه احنا اتركبنا يا جماعه
احنا اتركبنا يا رجاله
وبما انى مش خبره ومش محلل سياسى وكلامى كلام الناس فى الشارع كلام شوارع يعنى وبما انى بحب مصر اوى زى اى مصرى دلوقت بيحب البلد بس مش ناوى يعمل حاجه بس برضه ضميرى بيانبنى وكاره نفسى انى مش عارف اعمل حاجه اصلى هعمل ايه يعنى هطلع مظاهره ولا اعمل اضراب وايه يعنى واخرتها ايه الحكومه ودن من طين وودن من عجين وياريت على اد كده هيخدونى وادخل جوه وانا مش حمل قفا من الاخر يعنى سعتها بقى الله اعلم هطلع شكلى ايه يا اما هطلع متطرف واعمل اى اعمال ارهابيه ومجرم واروح اضرب مين واقتل مين وده طبعا مش حل خالص بس هى طريقه الامن اللى بيتعامل بيها فى الحالات دى هى اللى بتخلق مجرمين او هطلع كاره البلد وكاره نفسى ومهما حصل فيها مش هيهمنى تانى خلاص لحد ما ربك يعدلها ويجى الفرج من عنده ووقت بقى ما نعمل كلنا كده يبقى سعتها نستاهل اللى يحصل لنا
بس فى حاجه هقولهالكم اكيد اى مسلم مامن بيها لانها كلام ربنا واى مسيحى برضه اكيد مش هيختلف على معنى الايه دى
بسم الله الرحمن الرحيم ( لايغير الله ما بقوم حتى يغيروا ما بانفسهم ) صدق الله العظيم يعنى نحاول نعمل حاجه بادينا ومنخفش ربنا هيبقى معانا حتى لو قدرتنا متسمحش نحاول واكيد بدل ربنا معانا هنوصل طيب بزمتكوا احنا خايفين على ايه ما كده ميتين وكده ميتين
اى حاجه نتظاهر ننتحر نعيط نعمل اضراب اى عن الانتخابات بلاش عن العمل ولا اقولكوا بلاش عن العمل دى الحكايه مش ناقصه اصلا هو يعنى الانتاج والفلوس فى البلد مقطعين نفسهم نعمل اى حاجه نوصلهم فيها اعتراضنا نرفض الاعتراف النائب اللى مفروض علينا اى حاجه لا العنف طبعا انا مش عندى الحل بس اكيد لو كلنا اتفقنا وادينا فى ايد بعض هنلاقى الحل ومنخفش من حاجه يا جماعه الحكومه مخلتلناش حاجه نبكى عليها

يا كده بقى يا بم انى فى كليه هندسه وابويا معاه قرشين انا ابص لحالى بقى واشتغل وادور لى على وحده حلوه اجوزها او اشوفلى عقد عمل واسافر بره وخلى البلد تضرب تخرب وانا مالى بقى واعد ادعلها من بره وانتواكمان يلا كل واحد معندوش فى البلد دى ضهر ولا وسطه يخلص نفسه وهج على بره باى طريقه بقى عقد عمل , يركب مركب ويغرق فى البحر , يتكوم فى رجل طياره ويقع يموت منها اى حاجه ما كده ميت وكده ميت مش فارقه بس بلاش يعدى من على الحدود اصل الامن عندنا مبيرحمش على الحدود الضرب هناك فى المليان وميفرقش معاهم رجاله ولا حريم ولا اطفال ولا اقول لكوا عدوا حتى لو متنا نبقى شهدا

اذا الشعب يوما اراد الحياه................................. فلابد ان يجيب عقد عمل

والى هيعرف يوصل بره هو اه هيذل برده ويطلع عين امه فى الشغل بس هيعيش وبرده نعد كلنا ندعى لمصر من بره ويا سلام بقى لو نعمل حركه المزلولون فى الخارج
من بره ونطال بالتغير من بره البلد ويستضفونا عبر القمر الصناعى فى البرامج عندنا فى القناه الاولى ويقولوا علينا خونه وبنستعين بالناس فى الخارج وتطلع علينا اشعات بقى ينهاااااااااااااار اسود ده كده بيظه وكده بيظه ايه الهجص ده مش عارف بقى خلاص بلاش حكايه المزلولون دى احنا نعيش بقى فى حالنا وخلاص

وفى النهايه هقول كلمتين

هانيئا للشعب بالحكومه............................................................ وهانيئا للحكومه بالشعب